Светот оваа недела ја слави 61-годишнината од првото искачување на Монт Еверест, меѓутоа акцентот на јубилејот е ставен на не толку убави нешта – на тоните отпад, кои алпинистите со години ги оставаат зад себе во бројните обиди да дојдат до фамозните врвови.
Глетките од падините на Монт Еверест денес не се толкуубави како некогаш, а врвот понекогаш е преполн со отпад.
Се проценува дека околу 3.500 луѓе во изминатите 61 годинa успеале во својата желба да дојдат до врвот, така што Еверест повеќе не претставува искуство во дивината, какво што некогаш беше.
Еко Еверест експедицијата во 2008 година исчистила 13 тони отпад, од кои најголем дел биле празни шишиња со кислород и човечки измет. Речиси два и пол тони од отпадот е прогласен за опасен за околината.
Околу 240 лица загинале на патот до врвот, а телата на повеќето останале смрзнати на Еверест во т.н. зона на смртта, која се наоѓа на висина од околу 800 метри.
Речиси 1,5 тони донесени се од планините од страна на планинарите и 15 уметници од Непал, вклучувајќи ги и отатоците од хеликоптерот, кој се урна на планината во 1970 година, за да изработат уметнички дела, кои се продаваат по цена од 74 до 2.400 долари. Дел од приходот му е даден на здружението Еверест Самитерс, кое соработуваше на овој проект и кое беше првата група, што го организира чистењето на Еверест во 2005 година.
Непалската Влада од секој кој ќе одлучи да се качи на врвот бара да остави депозит од четири илјади долари. Тие можат да останат без својот депозит, доколкусо себе при симнувањето не го понесат и целиот свој отпад.
Експертите проценуваат дека на Еверест има уште десет тони отпад, кои и натамуго нарушуваат изгледот на едно од најуникатните места на Земјата.