Дует на пеачката Katy Perry со аутистичната Jodi DiPiazza за нецели 24 часа има преку милион посети.
Comedy Central ја организираше вечерта наречена “Night Of Too Many Stars”, а станува збор за настан од хуманитарна природа чија цел е да им се помогне на децата со аутизам.
Jodi i Katy без сомнеж станаа ѕвезди на вечерта откако нивниот заеднички настап ги воодушеви сите, па дури и ги расплака. Дури и водителот, познатиот комичар Jon Stewart, мораше да земе пауза за да се соземе што дополнително предизвика аплауз на публиката.
Во прилогот кој претходи на настапот, многумина дознаа кои се проблемите со кои се соочува ова девојче, и на кој начин и помогнало занимавањето со музика.
Katy Perry на својот Твитер профил подоцна објави “Никогаш нема да ја заборавам оваа вечер. Ова беше најважниот момент во мојата кариера”.