Британската пејачка Емели Санде, која прва успеа да ја симне Адел од престолот на најпродаваните, викендов ќе се вери за нејзиниот свршеник Адам Гурагуин, по потекло од Црна Гора.
Таа се појави вчера во дискотеката „Максимус“ во Котор, во рамките на филмскиот фестивал „Мофемт“. Емели отпеа три од своите хитови: „Next To Me“, „My Kind Of Love“ и „Read All About It “. И покрај слабата заинтересираност на которчани, таа не ја симна насмевката од лицето, а по својот настап, продолжи да се забавува.
Венчавката ќе биде мала, со интимен круг на пријатели, а како што кажа еден нејзин добар пријател, пред да дојде во Црна Гора, пејачката му кажала: „Летаме во Црна Гора. Венчавката е само за пријателите и семејството“.