Националниот ансамбл за народни игри и песни „Танец“ вечерва во Македонската опера и балет ќе одржи новогодишен концерт.

Концертот во Скопје следува по низата настапи на реномирани светски фестивали како оние во Катар, Турција, Словачка, Украина и Полска.

„Танец“ е формиран во 1949 година со указ на Владата на Република Македонија. Шест децении е амбасадор и презентер на македонското фолклорно творештво кај нас и на сите континенти. Првото претставување надвор од Македонија го има во 1950 година на Меѓународниот фестивал во Ланголен, Англија каде ја освојува првата награда.