Војната во Украина од минута во минута
21:06 – ВИДЕО: Украинската армија објави нова снимка од уништување на руско оружје
Украинската армија објави нова снимка за која пишува дека ги прикажува неодамнешните акции на 40-та посебна артилериска бригада која го уништи руското оружје.
20:48 – Шолц ја оцени како правилна политиката на Меркел кон Русија, освен енергетската зависност
Политиката на претходното германско раководство, која беше насочена кон мирен соживот со Русија, беше исправна, но беа направени грешки во енергетската политика. Ова го изјави германскиот канцелар Олаф Шолц во интервју за ДПА, кое беше објавено денеска.
19:53 – Врховната рада на Украина одобри повлекување од повеќе договори во рамки на ЗНД
Парламентот на Украина, Врховната Рада, одобри повлекување на земјата од низа договори во рамки на Заедницата на независни држави (ЗНД), изјави денеска Тарас Мелничук.
19:43 – Сијарто: Русија и порача на Унгарија дека испораките на гас ќе продолжат
Русија вети дека ќе продолжи со испораките на гас за Унгарија и дека Гаспром ќе ги исполни своите договорни обврски кон земјата, изјави унгарскиот министер за надворешни работи Петер Сијарто во денешното интервју за јавното радио.
18:52 – Руската музика ќе биде забранета во Украина
Музиката на уметници со руско државјанство ќе биде забранета во јавност во Украина, откако мерката денеска беше усвоена со двотретинско мнозинство во Горниот дом на парламентот, изјави пратеникот Јарослав Железњак преку апликацијата Телеграм.
Претседателот на Сбербанк, најголемата руска банка, оцени дека на Русија може да и бидат потребни 10 години за да се опорави од западните санкции.
18:02 – Украинска пратеничка: Русите целат складишта за нафта и гас
Магацините за нафта и гас низ Украина се цел на руските сили, изјави украинската пратеничка Лесија Василенко.
Италијанскиот министер за надворешни работи Луиџи ди Мајо денеска го обвини своето популистичко Движење Пет ѕвезди дека ги поткопува напорите на владата да ја поддржи Украина, а со тоа ја ослабува позицијата на Рим во Европската унија.
15:47 – Молдавија воведува забрана за информативни програми од Русија
Молдавската претседателка Маја Санду потпиша закон со кој се забрануваат информативни програми од Русија, соопшти директорката на Советот за телевизија и радио, Лилијана Вицу.
15:07 – Медведев: ЕУ попрво ќе исчезне отколку што ќе ја прифати Украина
Пристапувањето на Украина во Европската унија е можно дури во средината на векот, а дотогаш самата асоцијација би можела да исчезне, изјави денеска заменик-претседателот на Советот за безбедност на Русија, Дмитриј Медведев.
14:24 – (ВИДЕО) Русија: Убивме украински генерали со крстосувачки ракети
Русија тврди дека нивната воена офанзива насочена кон украинскиот град Северодоњецк во источна Украина „успешно се развива“.
Првиот човек на британската армија, генерал Патрик Сандерс изјави дека „британските војници мора да се подготват за борба во Европа“.
12:33 – Руските специјални сили ги преместија бранителите на Азовстал во Русија
Двајца врвни команданти на борците, кои ја бранеа фабриката за челик Азовстал во пристанишниот град Мариупол во југоисточна Украина, се префрлени поради истрага во Русија, јави руската прорежимска државна агенција ТАСС, пренесува денеска Ројтерс.
12:22 – Украинска пратеничка: Губиме територија
Украинска пратеничка изјави дека Украина губи територија и не успева да ја ослободи откако Русија почна да ги концентрира нападите на истокот на земјата во регионот на Донбас.
12:18 – Илјадници американски ракети пристигнаа во Украина
Соединетите Држави испорачале 1.400 рачни противвоздушни ракети од типот Стингер и 6.500 рачни противтенковски ракети од типот Јавелин, изјави претседателката на украинската партија Голос, Кира Рудик.
По враќањето од фронтот на југот на земјата, украинскиот претседател Володимир Зеленски денеска изјави дека неговите војници не се сомневаат во победата против руските сили.
10:05 – Британско разузнавање: Дезертери во украинската армија, многу руски војници одбиваат наредби
Британското Министерство за одбрана објави нов извештај на своите разузнавачи за ситуацијата во Украина.
09:35 – Пораз на Украинците кај Северодоњецк
Руските сили продолжија да го напаѓаат подрачјето околу Северодоњецк во источна Украина со тешка артилерија и ракети, соопшти утрово украинската армија.
08:00 – Генералниот секретар на НАТО предупреди дека војната во Украина може да трае со години
Генералниот секретар на НАТО Јенс Столтенберг изјави дека војната во Украина може да продолжи со години и дека украинските сили се соочуваат со поинтензивни руски напади откако Европската комисија препорача Киев да добие кандидатски статус за ЕУ.
19/06/2022
21:27 – ВИДЕО: Зеленски ја посети Одеса
Претходно денеска украинскиот претседател Володимир Зеленски го посети Миколаев, град на југот на Украина, недалеку од бојното поле.
21:18 – Русите ракетира складиште за гориво, објавена фотографија
Руските сили денеска со проектили уништија складиште за гориво во Новомосковск, град во источна Украина.
19:29 – Проруски сепаратисти: Украинската војска пукаше во Доњецк, загинаа цивили
Градоначалникот на Доњецк, град во источна Украина под контрола на проруските сепаратисти, на својот канал на Телеграм објави дека украинската армија денеска гранатирала неколку населби.
18:29 – Германија: Истражуваме стотици можни руски воени злосторства во Украина
Германските власти истражуваат стотици потенцијални воени злосторства извршени од руските сили во Украина.
16:41 – Украина планира да ги продолжи мировните преговори со Русија до август
Киев планира да ги продолжи мировните преговори со Русија до крајот на август, откако беа извршени операции за контранапад, изјавија властите денеска.
15:53 – Меркел: Путин можеби чекаше да заминам за да ја нападне Украина
Поранешната германска канцеларка Ангела Меркел призна дека на крајот на нејзиниот мандат ослабела нејзината способност да влијае на рускиот претседател Владимир Путин, кој можеби го чекал нејзиното заминување за да ја нападне Украина.
15:06 – ВИДЕО: Зеленски во посета на Миколаев, град што вчера Русите го ракетираа
Украинскиот претседател Володимир Зеленски, кој ретко го напушташе главниот град Киев откако Русите почнаа да ја напаѓаат земјата на 24 февруари, денеска за првпат го посети градот Миколаев во јужна Украина.
14:03 – Русија, засега, не се повлекува од СЗО, СТО и ММФ
Русија засега нема да се повлече од Светската трговска организација (СТО), Меѓународниот монетарен фонд (ММФ) и Светската здравствена организација (СЗО)
13:23 – Џонсон: Многу е важно да знаеме дека Украина ќе победи
Важно е Британија да продолжи да ја покажува својата поддршка за Украина на долг рок, изјави денеска британскиот премиер Борис Џонсон и предупреди на ризикот од замор со ситуацијата во Украина како што одминува времето.
13:17 – Меркел објасни зошто преферирала руски гас
Поранешната германска канцеларка Ангела Меркел, која беше на функцијата од 2005 до 2021 година, го објасни својот претходен избор за руски гасовод наместо течен природен гас со придобивките за индустријата.
12:30 – Претседателот на Казахстан на форумот на Путин: „Нема да признаеме квази-држави во Украина“
Рускиот претседател Владимир Путин наиде на неочекувана реакција од претседателот на Казахстан, кој го критикуваше за инвазијата на Украина и го постави прашањето за правото на народите на сопствена држава.
12:10 – Украина: Убиени 33.350 руски војници, соборени 180 хеликоптери и 216 авиони
Украина го објави својот последен извештај за загубите што Русија ги претрпела од почетокот на војната.
11:44 – Институт за војна: Русија ги движи силите кон Северодоњецк
Кремљ распоредува дополнителни трупи долж источното крило на одбраната на Украина во обид да ги засили операциите во регионите Северен Доњецк и Лисичанск, соопшти Институтот за проучување на војната (ISW).
11:12 – (ВИДЕО) Руски медиуми: Повеќе од 70 рудари заробени под земја поради гранатирање во Доњецк
Во гранатирањето беа заробени 77 рудари во рудник за јаглен во источниот украински регион Доњецк, пренесува руската новинска агенција РИА. Рударите останаа заробени под земја по прекинот на електричната енергија во рудникот Засјадко.
10:39 – Киев: Изгубивме околу половина од нашата воена опрема
Вооружените сили на Украина загубија околу половина од својата воена опрема за време на борбите, изјави заменикот-министер за одбрана Володимир Карпенко.
Руското Министерство за одбрана објави список на странски платеници кои се борат во Украина, а според тие информации досега 79 македонски државјани заминале да се борат, а 21 од нив загинале
09:25 – Алексеј Милер, шефот на Газпром, поседува палата вредна 240 милиони долари
Група високорангирани лица од руските безбедносни служби поседуваат имот вреден три милијарди долари во корист на шефот на Газпром, Алексеј Милер.
09:15 – (ВИДЕО) Украина: Потона шлеперот полн со оружје и војници што го погодивме
Руски брод што доставува оружје на стратешки важниот Змиски остров потона откако беше погоден од украински ракети, потврди воен претставник доцна во петокот.
09:03 – Британското разузнавање: Целта на Русија е да го опколи Северодоњецк
Во најновиот разузнавачки извештај за војната во Украина, британското Министерство за одбрана наведува дека Русија најверојатно во последните 48 часа повторно се обидува да напредува јужно од украинскиот град Изјум.
08:35 – Руски амбасадор: Испраќањето оружје во Украина води до војна меѓу САД и Русија
Испраќањето оружје во Украина е пат кон конфликт меѓу Русија и САД, изјави рускиот амбасадор во Вашингтон Анатолиј Антонов.
08:21 – Руската армија бара војници преку оглас
Од почетокот на руската инвазија на Украина, руската војска објави илјадници слободни работни места, од противтенковски бомбардери до возачи и снајперисти.
08:17 – Захарова: Украина во старите граници – веќе не постои
Портпаролката на руското Министерство за надворешни работи Марија Захарова изјави дека Украина повеќе не постои во своите поранешни граници, додавајќи дека тоа е „очигледно“.
18/06/2022
17:10 – Украина од ММФ доби заем од 770 милиони долари
Украина доби заем од 770 милиони американски долари по повластени услови од Меѓународниот монетарен фонд (ММФ).
16:47 – Норвешка се приклучи на шестиот пакет санкции на ЕУ против Русија
Норвешка се приклучи на шестиот пакет санкции на Европската унија против Русија, објави Министерството за надворешни работи на таа земја на својата веб-страница.
14:08 – Русија за препораката на ЕК Украина да се приклучи на ЕУ: Највнимателно го следиме ова
Русија ја коментираше препораката на Европската комисија Украина и Молдавија да бидат именувани за кандидати за членство во Европската унија.
14:03 – Русија: Обраќањето на Путин одложено поради хакерски напад
Закажаното обраќање на рускиот претседател Владимир Путин е одложено за еден час по хакерскиот напад, соопшти Кремљ.
13:41 – Украина и Молдавија засега нема да добиваат ИПА фондови
И покрај препораката за кандидатски статус во ЕУ Украина и Молдавија нема да влезат во претпристапните фондови
13:05 – Зеленски: Статусот кандидат за ЕУ не прави чекор поблиску до победата
Украинскиот претседател Володимир Зеленски одговори на препораката на Европската комисија Украина да стане кандидат за членство во Европската унија.
13:03 – Препорака за кандидатски статус за Украина и Молдавија, но не и за Босна и Херцеговина
Европската Комисија денеска препорача Советот на ЕУ да одобри кандидатски статус за членство во ЕУ за Украина и Молдавија, Босна и Косово и натаму остануваат последни во трката
12:58 – Лајен: Украина покажа дека сака да живее со вредностите на ЕУ
Европската комисија денеска препорача Европската унија да и додели кандидатски статус на Украина и на Молдавија, додека од Грузија ќе биде побарано да исполни одредени услови пред да го добие тој статус.
12:42 – Русија за 50 отсто ја намали испораката на гас за Италија
Рускиот енергетски гигант „Газпром“ го намали извозот на гас од Италија за 50 отсто, соопшти денеска италијанската енергетска компанија „ЕНИ“.
12:19 – Европската комисија ја поддржа идејата Украина да стане кандидат за ЕУ
Европската комисија ја поддржа идејата Украина да стане кандидат за Европската унија.
11:43 – ОН: Хуманитарната ситуација во Донбас е алармантна
По четири месеци од руската инвазија, хуманитарната ситуација во Украина, а особено во Донбас, е „крајно алармантна“, соопштија денеска ОН додека продолжуваат борбите меѓу украинската и руската армија на истокот на земјата.
11:42 – Макрон: Украина ќе нема мир, ако крајната цел е да се уништи Русија
Украина никогаш не би имала мир, доколку крајната цел на конфликтот во земјата е да се „уништи Русија“, тврди францускиот претседател Емануел Макрон, јави Си-ен-ен.
11:29 – Кадиров: Путин во кома? Тоа е целосна глупост, престанете и затворете ја устата
Чеченскиот лидер Рамзан Кадиров остро ги отфрли наводите дека Владимир Путин е во кома. Ова ги збуни дел од неговите следбеници на Телеграм бидејќи веста дека Путин е во кома ја објавија само неколку неверодостојни портали. Но, Кадиров реши да се справи и со нив.
11:09 – Во Франција веќе не се испорачува природен гас од Русија
Франција веќе не прима природен гас од Русија преку гасовод од 15 јуни, соопшти денеска мрежниот оператор ГРТгаз, откако рускиот енергетски гигант Газпром оваа недела предупреди дека остро ќе ја намали испораката во Европа.
10:41 – Британско МО: Илјадници милионери се обидуваат да ја напуштат Русија
Скептицизмот кон војната е особено силен меѓу руската бизнис елита и заедницата, објави Министерството за одбрана на Велика Британија во најновиот извештај за проценка на руско-украинската ситуација.
10:31 – (ВИДЕО) Украина: Погодивме руски шлепер полн со оружје и војници, одеа на Змискиот остров
Украинската морнарица објави на социјалните мрежи дека го погодила рускиот спасувачки шлепер „Спасател Васили Бек“, за кој се вели дека превезувал муниција, оружје и персонал на руската Црноморска флота до Змискиот остров.
10:13 – Украинците се закануваат: „Ќе го уништиме рускиот мост кон Крим“
Украина објави детали за изградбата на рускиот мост преку Керченскиот теснец до Крим, што укажува на закана да го таргетира тој клучен пат кон полуостровот анектиран од Русија во 2014 година.
Рускиот министер за надворешни работи Сергеј Лавров во интервју за Би-би-си изјави дека Русија „не се срами да покаже која е“.
09:07 – Напади во Харков и во Миколаев
Оштетени се најмалку 10 приватни куќи, а уништени се едно училиште и една станбена зграда во областа Харков, изјави гувернерот Олег Синегубов
08:54 – Шефот на британските вооружени сили: Русија пропаѓа
Шефот на британските вооружени сили рече дека Русија веќе стратешки ја загубила војната во Украина и дека нејзината воена сила сега е намалена.
08:47 – (ВИДЕО) Зеленски: Вчера беше историски ден
Украинскиот претседател Володимир Зеленски ја опиша посетата на Киев на лидерите на Франција, Германија, Италија и Романија како „историски ден“ за неговата земја.
08:44 – Денеска, одлуката за статусот на Украина за пристапување во ЕУ
Лидерите на Франција, Германија и Италија ветија вчера, за време на посетата на Киев, дека ќе ги поддржат напорите на Украина за пристапување во Европската унија.
08:33 – Дистрибутерот на Кока-Кола во Русија нема да произведува или продава свои пијалаци во таа држава
Дистрибутерот на Кока-Кола во Русија, Coca-Cola HBC, соопшти дека повеќе нема да произведува или продава свои пијалоци во таа држава. Клиентите на дистрибутерот ги трошат последните залихи.
17/06/2022
18:05 – Киев: Украина на европските лидери им го предаде предлогот за нови санкции против Русија
Шефот на кабинетот на украинскиот претседател Андриј Јермак изјави дека Украина го предала предлогот за санкции кон Русија на средбата на Володимир Зеленски со лидерите на Франција, Германија, Италија и Романија.
Лидерите на Франција, Германија, Италија и Романија се залагаат на Украина „веднаш“ да и се додели статус кандидат за членство во ЕУ, изјави денеска францускиот претседател Емануел Макрон на заедничката прес-конференција со европските лидери и украинскиот претседател Володомир Зеленски во Киев.
16:19 – Зеленски ја прифати поканата на Шолц да присуствува на Самитот на Г-7
Претседателот на Украина, Володимир Зеленски ја прифати поканата на германскиот канцелар Олаф Шолц да учествува на идниот Самит на Г-17, што ќе се одржи кон крајот на месецот во Баварија.
14:53 – Шолц, Макрон и Драги и носат кандидатски статус за ЕУ, тврди советник во украинското МВР
Германскиот канцелар Олаф Шолц, францускиот претседател Емануел Макрон и италијанскиот премиер Марио Драги пристигнаа во Киев за да објават дека Украина доби статус на кандидат за ЕУ и да го повикаат Киев да се врати на преговарачката маса со Русија, тврди советникот во украинското Министерство за внатрешни работи Виктор Андрусив.
14:51 – Шолц: Ирпин е симбол на суровоста, војната мора да заврши
Украинскиот град Ирпин, како и претходно Буча, стана симбол на „суровоста на руската војна“ во Украина и нејзиното бесмислено насилство, изјави денеска германскиот канцелар Олаф Шолц за време на посетата на предградието на Киев и додаде дека војната мора да заврши.
Портпаролот на Кремљ, Дмитриј Песков, изјави дека се надева оти посетата на лидерите на Франција, Германија и Италија на Киев „нема да биде фокусирана исклучиво на испорака на оружје за Украина“.
12:49 – Украина во Донбас дневно губи од 200 до 500 војници
До илјада украински војници се убиени или ранети секој ден во регионот на Донбас во источна Украина, со просечно од 200 до 500 убиени и многу повеќе ранети, изјави висок украински функционер.
12:47 – Русија е подготвена за обновување на мировните преговори
Русија денеска соопшти дека е подготвена да ги продолжи мировните преговори со Украина, но додаде дека Киев допрва треба да одговори на нејзините предлози, пренесува Интерфакс.
10:42 – Шолц, Макрон и Драги пристигнаа во Киев
Германскиот канцелар Олаф Шолц, францускиот претседател Емануел Макрон и италијанскиот премиер Марио Драги пристигнаа во Киев, во нивната прва посета од почетокот на руската инвазија.
10:07 – Белгија не е во можност да понуди нова голема помош за Украина
Залихите оружје на Белгија, со што земјата може да помогне за одбраната на Украина, веќе се исцрпуваат, изјави белгиската министерка за одбрана Лидивин Дедондер.
08:04 – Илјадници цивили се заглавени во Северодонецк
Илјадници цивили се заробени во Северодонецк, додека основните резерви се при крај, предупредуваат Обединетите нации.
07:45 – 07:45 – Русите заробиле двајца Американци кои се бореле за Украина
Двајца американски државјани, Роберт Друки и Енди Хју, кои се бореле за Украина, биле заробени од руските сили минатата недела на периферијата на Харков.
07:45 – Бајден најави ново оружје за Украина
Претседателот на САД, Џо Бајден најави дополнително оружје за Украина, вредно милијарда долари.
07:43 – Газпром за два дена ја намали количината гас за Германија за околу 60 посто
Рускиот енергетски гигант „Газпром“ од изутринава почна со намалување на количината гас што ја испорачува до Германија низ гасоводот „Северен поток 1“ на дневен максимум од 67 милиони кубни метри.
16/06/2022
18:45 – Москва: Можеме да обезбедиме безбеден премин за житото, но не сме одговорни за коридорите
Русија може да „обезбеди безбеден премин“ за украинските пратки со жито од пристаништата на Црното Море во земјата, но не е одговорна за воспоставување на коридори, изјави постојаниот претставник на Русија во Советот за безбедност на Обединетите нации Василиј Небензја.
17:36 – Москва ја намалува испораката на гас за Европа преку Северен тек за уште 33 отсто
Рускиот гигант Гаспром денеска објави дека го намалува доставувањето гас за Европа за уште една третина преку гасоводот Северен тек, еден ден по првата најава за драстичното намалување, наведувајќи дека причината е прекинот на снабдувањето на делови од германски Сименс.
16:44 – Иследниците на ОН за воени злосторства сè уште не можат да стапат во контакт со Москва
Комисијата на ОН, формирана за истрага на можни воени злосторства во Украина сторени за време на руската инвазија, денеска соопшти дека сè уште не можела да стапи во контакт со Русија.
14:02 – Захарова: Смртната казна е јасен пример за сите платеници
Портпаролката на руското Министерство за надворешни работи Марија Захарова денеска изјави дека смртните казни што им се изречени на странски борци во самопрогласената Доњецка Народна Република (ДНР) се „јасен пример за другите платеници кои се борат за Украина“.
13:56 – Зеленски: Нападот врз Украина е првиот чекор на руското освојување
Украинскиот претседател Володимир Зеленски денеска ја повика Европската унија да ги заостри санкциите против Русија и предупреди дека руските сили би можеле да нападнат други земји по инвазијата врз неговата земја.
13:32 – Се огласи Весли Кларк: НАТО да интервенира во Украина
Руската инвазија на Украина нема да биде запрена без интервенција на НАТО, изјави поранешниот командант на силите на Алијансата во Европа, генерал Весли Кларк.
11:17 – Медведев: Кој вели дека Украина воопшто ќе постои на мапата на светот за две години
Заменик претседателот на рускиот Совет за безбедност, Дмитриј Медведев изрази сомневање дека Киев во наредниот период ќе може да ги исполнува своите договорни обврски и го доведе во прашање самото постоење на украинската држава во иднина.
10:33 – Украина тврди дека во последните 24 часа се убиени 250 руски војници
Околу 32.750 руски војници се убиени во Украина од почетокот на војната на 24 февруари, соопшти Генералштабот на украинските вооружени сили.
08:33 – Русија контролира поголем дел од Северодонецк
Русија го контролира поголемиот дел од Северодоњецк по едномесечните интензивни борби кои предизвикаа „големи штети“ во клучниот источен град, според Министерството за одбрана на Велика Британија.
08:18 – Околу 500 цивили се заробени во хемиската фабрика во Североднецк, Русија нуди коридор
Околу 500 цивили за кои се верува дека се заробени заедно со војници во Азот, хемиска фабрика во Северен Доњецк, се подготвуваат да побегнат утрово користејќи потенцијален хуманитарен коридор.
08:06 – (ВИДЕО) Зеленски: Трпиме страшни загуби, потребно ни е оружје
Украинската армија претрпува големи загуби во борбите против руските војници во источниот град Северодонецк и во регионот Харков и има потреба од противракетно оружје, изјави украинскиот претседател Володимир Зеленски.
15/06/2022
17:34 – Ушаков: Москва не отфрла директен контакт меѓу Путин и Зеленски
Помошникот на рускиот претседател во делот на надворешните работи, Јуриј Ушаков, изјави денеска дека официјална Москва не отфрла директен контакт меѓу рускиот претседател Владимир Путин и неговиот украински колега Владимир Зеленски.
16:31 – Лондон се обидува да ги ослободи заробените Британици, но не преку Москва
Британската министерка за надворешни работи Лиз Трас изјави дека ќе стори „се што е можно“ за да бидат ослободени двајцата Британци, кои од страна на руските сепаратисти во Украина се осудени на смрт. Кремљ денеска информира дека Лондон не ја контактирал Москва во врска со ова прашање.
16:17 – Зеленски го повика Шолц да покаже јасна поддршка за Украина
Украинскиот претседател Володимир Зеленски го повика германскиот канцелар Олаф Шолц да покаже јасна поддршка за Украина.
13:20 – Русија: Гранатиран е руски град на границата со Украина, повредени четири лица
Четири лица се повредени денеска при гранатирање на руски град во областа Брјанск на границата со Украина, изјави регионалниот гувернер. Инцидентот се случил во градот Клинци, на околу 50 километри од украинската граница.
11:30 – „Вратете ни се што и дадовме на Украина“
Помошта за Киев ги исцрпи воените резерви на Варшава, создавајќи „празнини“, вели полскиот претседател.
11:13 – Британската министерка за надворешни: Ќе дадам се од себе да ги ослободам Британците осудени на смрт
Британската министерка за надворешни работи Лиз Трас изјави дека ќе стори „се што е можно“ за да ослободи двајца Британци осудени на смрт од руските сепаратисти во Украина.
10:44 – Русите го уништија последниот излез од Северодоњецк: „Ова може да стане новиот Мариупол“
Руските сили ги отсекоа сите патишта за евакуација на жителите на источниот украински град Северодоњецк, уништувајќи го последниот мост што го поврзува со градот што го држат Украинците од другата страна на реката, изјави украински официјален претставник.
10:29 – „Политико“: Европската комисија ќе препорача кандидатски статус за Украина
Европската комисија ќе препорача Украина да добие официјален статус на земја-кандидат за членство во ЕУ, објавува бриселскиот портал „Политико“ повикувајќи се на неколку неименувани дипломатски извори.
10:02 – Литванија ќе купи 18 самоодни хаубици од Франција
Литванија ќе купи 18 самоодни хаубици од Франција, информираа министерствата за одбрана на двете земји.
09:15 – (ВИДЕО) Зеленски: Ќе го вратиме Крим
Украинскиот претседател Володимир Зеленски им вети на своите сонародници дека ќе го врати полуостровот Крим, кој беше припоен од Русија.
09:11 – Британското разузнавање: Русија постигна напредок во близина на Харков за прв пат по неколку недели
Британското Министерство за одбрана објави нов извештај на своите разузнавачи за ситуацијата во Украина. Новиот извештај вели дека руските сили постигнале „мал напредок“ околу североисточниот град Харков за прв пат по неколку недели.
09:09 – (ВИДЕО) Руси: Украинците гранатираа пазар и породилиште, убиено дете
Проруските сепаратисти од источниот украински регион Доњецк тврдат дека во вчерашното гранатирање на пазарот и породилиштето загинале пет лица, меѓу кои и едно дете.
08:09 – Песков: Целта на руската воена операција во Украина е заштита на ДНР и ЛНР
Главната цел на руската воена операција во Украина е заштита на самопрогласената Доњецка Народна Република и Луганската Народна Република, изјави портпаролот на Кремљ, Дмитриј Песков.
14/06/2022
21:58 – Киевска полиција: Во нова гробница близу Буча откриени седум тела
Седум тела се пронајдени денеска во нова гробница во близина на Буча, каде што беа откриени телата на голем број цивили по повлекувањето на руската армија од Киев кон крајот на март, соопшти киевската полиција.
19:48 – Началник на Луганск: Уништени сите мостови кон Северодоњецк, речиси невозможна евакуација на цивили
Сергиј Гајдај, началник на регионот Луганск, вели дека сите мостови кон Северодоњецк, град на линијата на источниот фронт, се уништени, што ја оневозможува евакуацијата на преостанатите цивили.
15:50 – Зеленски со апел до Американскиот еврејски комитет за помош за заострување на антируските санкции
Претседателот на Украина Володимир Зеленски денеска апелираше до Американскиот еврејски комитет да помогне во заострувањето на санкциите кон Русија и да се забрза испораката на западно оружје во Киев, се наведува на веб-страницата на Глобалниот форум на Комитетот.
15:03 – Шефот на украинската полиција тврди дека во војната досега се убиени 12.000 цивили
Од почетокот на руската инвазија врз Украина, на 24 февруари, досега се убиени повеќе од 12.000 цивили, изјави денеска началникот на украинската полиција, Ихор Клименко, во интервју за новинската агенција Интерфакс-Украина, пренесе ДПА.
15:00 – Финскиот претседател тврди дека Русија користи оружје за масовно уништување
Финскиот претседател Саули Нинисто изјави дека двете страни во војната во Украина користат тешко оружје, додека Русија користи и термобарични бомби.
12:00 – Макрон, Драги и Шолц в четврток во Украина
Францускиот претседател Емануел Макрон, германскиот канцелар Олаф Шолц и италијанскиот премиер Марио Драги ќе ја посетат Украина в четврток на 16 јуни, пишува денеска италијанскиот весник „Ла Стампа“.
11:41 – „Шлаканица“ од НАТО за Украина: Секој мировен договор вклучува компромис, вклучително и територија
Секој мировен договор има своја цена, а Украина треба да одреди која, изјави генералниот секретар на НАТО Јенс Столтенберг.
11:11 – Борел: Мораме да продолжиме да разговараме со Русија
Европа ќе мора да коегзистира со Русија по завршувањето на конфликтот во Украина, затоа мора да се вложат сите напори за одржување на дијалогот со Москва, изјави шефот на европската дипломатија Жозеп Борел за денешното издание на францускиот „Журнал де диманш“.
11:11 – Нинисто: Финска нема да влезе во НАТО без Шведска
Финска нема да влезе во НАТО без Шведска, изјави финскиот претседател Саули Нинисто на заедничката прес-конференција со генералниот секретар на НАТО Јенс Столтенберг вчера во Хелсинки.
10:15 – Советникот на Зеленски објави список со оружје: „Ова ни треба за да ставиме крај на војната“
Михајло Подољак, еден од клучните советници на украинскиот претседател Володимир Зеленски, објави список на оружје за кое тврди дека на Украина и треба за да ја заврши војната.
10:12 – (ВИДЕО) Зеленски: Загубите на Русија би можеле да достигнат 40.000 пред крајот на јуни
Украинскиот претседател Володимир Зеленски во видео обраќање рече дека руските загуби во Украина би можеле да се зголемат до 40.000 пред крајот на јуни.
09:59 – Украински ГШ: Украинските сили принудени да се повлечат од центарот на Северодоњецк
Украинските сили беа принудени да се повлечат од центарот на Северодоњецк, соопшти денеска Генералштабот на украинската армија.
09:27 – Поранешниот руски премиер Михаил Касјанов вели дека повеќе не го препознава Путин
Михаил Касјанов, првиот премиер на рускиот претседател Владимир Путин, денеска изјави дека и во неговите најлоши кошмари не можел да замисли дека Путин ќе ја нападне Украина.
09:05 – Британското разузнавање: Текот на војната ќе го решаваат премините на реките
Британското Министерство за одбрана објави нов дневен извештај за своите разузнавачки служби за ситуацијата во Украина.
08:53 – Гувернерот на Луганск: 500 цивили се кријат во хемиската фабрика во Северодоњецк, од кои 40 се деца
Русија го окупираше поголемиот дел од Северен Доњецк, но украинските бранители сè уште ја контролираат индустриската област на градот и хемиската фабрика Азот, во која се кријат околу 500 луѓе.
08:45 – Гувернерот на Луганск: Ако се уништи третиот мост, Северодоњецк ќе биде отсечен
Гувернерот на источниот регион Луганск, Серхи Хајдаи, објави дека руските сили уништиле два моста кон Северодоњецк, град за кој со недели се водат жестоки борби.
08:10 – Голема поморска вежба на силите на НАТО во Атлантскиот Океан
Во северниот дел од Атлантскиот Океан од денеска почнуваат големи поморски маневри на НАТО.
08:08 – Обновена врската меѓу МААЕ и нуклеарната централа во Запорожје
Врската на нуклеарната централа во Запорожје, во јужниот дел на Украина, што е под руска контрола од почетокот на март, со Меѓународната агенција за атомска енергија (МААЕ), повторно е воспоставена.
Последните анализи спроведена од „Амнести интернешенал“ потврдуваат широка употреба на забранета касетна муниција во борбите за Харков, во североисточна Украина.