Во вторникот, Украина ја обвини Русија дека на шестиот ден од инвазијата, на украинска територија употребила термобарично оружје, познато и како вакуумска бомба.
„Денес употребија вакуумска бомба, што всушност е забрането со Женевската конвенција“, изјави Оксана Маркарова на новинарите по напуштањето на состанокот со американските конгресмени во Вашингтон.
Russia used a thermobaric weapon (vacuum bomb) on Monday in its invasion of Ukraine, said Ukraine's ambassador to the U.S., Oksana Markarova.
"They used the vacuum bomb today, which is actually prohibited by the Geneva convention"
Here's background:https://t.co/r46CNrKaN5
— Phil Stewart (@phildstewart) February 28, 2022
Сепак, западните медиуми досега не успеаја самостојно да го потврдат ова сериозно обвинување.
Но затоа пред неколку дена беше потврдено дека ваквото оружје – поточно рускиот мобилен ракетен систем ТОС-1 – навистина е на пат кон Украина. Си-Ен-Ен го сними во саботата на руско тло на пат во близина на границата со Украина, јужно од Белгород, град во југозападна Русија.
Висок официјален претставник на американската одбрана потврди за Форин полиси во вторникот дека руската војска навистина донела ракетни системи способни да истрелуваат термобарични ракети. Анонимниот службеник одбил да потврди каде точно руската војска ги поставила термобаричните фрлачи и дали тие се користени.
Вакуумска бомба или термобарично оружје, исто така наречена аеросолна бомба, се состои од резервоар за гориво и две експлозивни полнења. Може да се користи на два начина – или со фрлање од авион како бомба или испукување како граната или ракета, пишува Би-Би-Си.
Ова оружје функционира така што со првата детонација го отвора резервоарот за гориво и го распрснува горивото како облак што може да навлезе во секоја зграда, бункер или тунел што не е херметички затворен.
Второто полнење потоа го активира и произведува огромна огнена топка. Детонацијата го вшмукува кислородот од околниот воздух за да произведе експлозија на екстремно висока температура, која потоа обично произведува експлозивен бран со значително подолго траење од детонацијата на конвенционалните бомби. Експлозијата на вакуумската бомба може да ги претвори погодените тела на жртвите во пареа, пишува Ројтерс.
Во 2007 година Русија го тестираше своето најголемо термобарично оружје, таканаречениот „татко на сите бомби“, што предизвика експлозија еквивалентна на конвенционална бомба од 44 тони. Ова ја прави најголемата ненуклеарна експлозивна направа во светот, посилна од американската „мајка на сите бомби“ фрлена во 2017 година врз Талибанците во Авганистан.
Large explosion in Kharkiv, I can’t definitely confirm what weapon was used, but a couple of people have indicated it was thermobaric. Could have also been a large ammo dump. pic.twitter.com/9OQKlkWjC7
— OSINTtechnical (@Osinttechnical) March 1, 2022
Не се знае на што точно украинските власти ги темелат своите тврдења дека оружјето веќе било користено во нападот, но во вторникот на интернет почнаа да кружат снимки од нападот, односно експлозија за кои некои коментатори шпекулираат дека може да бидат токму од термобарично оружје.