Украинскиот и рускиот претседател Володимир Зеленски и Владимир Путин најверојатно мировните преговори ќе ги водат во Турција.
Украинскиот преговарач Дејвид Арахамија истакна дека Зеленски е подготвен за средба во блиска иднина со Путин.
Арахамија изјави дека Русија ги прифаќа ставовите на Украина, со исклучок на ставот на Киев за Крим, пренесува украински Интерфакс.
Додава дека Русија укажала дека нацрт-мировните договори се во доволно напредна фаза за да се овозможат директни консултации меѓу лидерите на двете земји.
Агенцијата го цитира Дејвид Арахамија кој изјавил за украинската телевизија дека Русија го прифатила целиот став на Украина, со исклучок на нејзината позиција за Крим.
Претходно, портпаролот на Кремљ, Дмитриј Песков изјави дека преговорите помеѓу Русија и Украина не беа лесни, но главно е тоа што продолжуваат.
Тој додаде дека Русија би сакала да ги продолжи разговорите со Украина во соседна Белорусија, но Киев се спротивстави на идејата.