Тренерот на Ливерпул, Јирген Клоп, рече дека не би сакал да сака да се сретне со Јувентус во раната елиминациска фаза од Лигата на шампионите. Тој истакна дека го смета клубот од Торино за прв фаворит за трофејот.
– Не би сакал толку рано да се сретнам со Јувентус. Тие за мене се фаворите на турнирот. Ако се сретнеме во подоцнежните рунди ќе видиме што ќе се случи. Многу се искусни, а поради возраста на повеќето нивни фудбалери, ова изгледа како последна нивна шанса. Ќе биде многу тешко да се победи Јуве оваа сезона, нагласи Клоп.
Ливерпул во осминафиналето од елитното натпреварување ќе игра со Баерн Минхен. Првиот натпревар ќе се одржи во Англија на 19 февруари, реваншот на 13 март во Германија.