Словенците прогласија крај на епидемијата, ама мерките и натаму ќе важат

Од:

Состојбата на епидемија во Словенија од Ковид-19, што беше прогласена на 18 октомври лани, за време на вториот бран, веќе нема да се продолжува, изјави денеска Франц Виндишар, државен секретар во Министерството за здравство.

Бидејќи Словенија сѐ уште не е во безбедната „зелена“ зона, според критериумите на Европскиот центар за контрола на болести (ECDC), во сила остануваат заштитните маски во затворен простор, дезинфекцијата на рацете, физичката дистанца и некои други мерки, а присуството на некои групни настани е можно само за вакцинираните, оние кои прележале Ковид-19 или лицата кои ќе обезбедат нов негативен ПЦР тест.

Според последните податоци, во словенечките болници има 122 пациенти, што е најмала бројка од 7 октомври, а владиниот стручен тим ќе продолжи еднаш неделно да ја разгледува епидемиолошката состојба и во зависност од ситуацијата, ќе предлага препораки поврзани со Ковид-19.

-Ги замолувам сите да продолжат да ги следат препораките. Сите мерки остануваат во сила се додека владата не ги укине или не го продолжи нивното траење, рече Виндишар, повикувајќи ги сите граѓани да се вакцинираат, што е најдобар начин да се постигне посакуваната масовна заштита од болеста, додавајќи дека сега има доволно вакцини во земјата.

“Зад нас е една тешка година и половина. Епидемијата нѐ стави пред многу искушенија. Ќе ги надминеме со соработка и солидарност, но сѐ уште не сме блиску до целта”, кажа Виндишар.

Би можело да ве интересира

САД и СЗО договорија дополнителни студии за потеклото на коронавирусот

Ана Ололовска

Гугл и Фејсбук само на вакцинираните вработени ќе им дозволат да се вратат во канцеларија

Ана Ололовска

Бајден утре ќе нареди задолжителна вакцинација за сите вработени во сојузните органи

Жарко Настоски

Давид Алаба е позитивен на коронавирусот, само што дојде во Реал

Жарко Настоски

Бугарија врати осуммина шпански државјани од авион поради ковид-мерките

Жарко Настоски

Британија го укинува карантинот за вакцинирани патници од САД и сите земји на ЕУ, освен Франција

Жарко Настоски