Царинските службеници денеска на граничниот премин Прешево во соработка со полицијата спречија обид за шверц на 59.000 евра кои патник ги сокрил во чорапите.
Прекршокот бил откриен кога на редот за контрола на излез од државата пристигнал 55-годишен маж, кој патувал сам од Германија за Грција со „БМВ“ со странска регистрација, кој на цариниците им рекол дека нема ништо да пријави за царинење.
При увидот, на задното седиште од автомобилот била пронајдена торба со лични предмети, меѓу кои и неколку чорапи полни со девизи.
Дел од парите биле сокриени и во џебот на фармерките, кои исто така биле спакувани во торба.