Три лица загинаа, а 12 се повредени, меѓу кои и возач осомничен за криумчарење илегални мигранти, во сообраќајна несреќа на патот Прешево-Бујановац.
Несреќата се случила синоќа кога осомничениот Р.Р.(1981) од село Црнотинце со намера да прибави поволност – неовластено превезувал 14 илегални мигранти од африканско-азиските земји и поради непрописна брзина излетал од патот по што возило се превртело, соопштија од Вишото јавно обвинителство Врање.
На повредените им е укажана лекарска помош во одредени здравствени установи. Во клиничкиот центар Ниш се пренесени четири повредени, од кои едно 15-годишно дете со политраума, 18-годишно лице со повреди на градниот кош, 37-годишно лице со политраума е примено на интензивна нега, а повредена е и 47-годишна жена која има контузија на градниот кош и е во стабилна состојба.
Како што соопштија од ВЈТ во Врање, увид на местото на несреќата извршил дежурен јавен обвинител на Основното јавно обвинителство Врање, Одделение Бујановац.