МВР извести дека вчера во 11.30 часот во Полициската станица во Кичево било пријавено дека на магистралниот пат Гостивар-Кичево, во близина на село Трапчин Дол, кичевско, се случила сообраќајна несреќа помеѓу возилo „киа“ управувано од Б.Т.Ф.(74) од Скопје и возило „тојота“ управувано од П.Х.(44) од Република Чешка.
Во несреќата со тешки телесни повреди се здобила Б.Т.Ф. и А.Х.(78) од Република Чешка, сопатничка од возилото „тојота“, додека со телесни повреди се здобиле возачот П.Х. и тројца негови сопатници, П.С.Х.(44) и двајца малолетници, сите од Република Чешка, констатирани во Медицинскиот центар во Кичево.
Извршен бил увид од увидна екипа од ОВР Кичево.