(ФОТО) Претекнуваше колона, па прегази деца на мопеди – четворица загинати на самото место

Од:

Во тешка сообраќајна несреќа што се случи синоќа во Бранденбург, Германија, животот го загубија четири млади луѓе на мопеди — три момчиња (на возраст од 15, 16 и 19 години) и едно девојче (14).

Трагедијата се случи кога возач на автомобил (61) изврши ризично претекнување.

Според првичните информации од полицијата, групата тинејџери на возраст меѓу 14 и 19 години се движеше по локален пат во близина на Бизентал во Бранденбург, во правец кон Волвинкел, североисточно од Берлин.

Како што изјави портпаролот на полицијата за германскиот весник „Билд“, возачот (61) се обиде да претекне неколку возила одеднаш, движејќи се по лентата наменета за сообраќај од спротивната насока. Откако премина на спротивната страна, со автомобилот директно удри во три од четирите мопеди што доаѓаа во пресрет, по што неговото возило се запали.

За трите момчиња и 14-годишното девојче, кое се возеше како сопатник немаше спас – тие загинаа на самото место од силината на ударот.

Четвртиот возач во групата успеа во последен момент да сврти и да го избегне судирот.

Пожарникарите успеаја навреме да го извлечат возачот (61) од уништениот автомобил. Тој со хеликоптер е пренесен во болница во Берлин со тешки повреди.

Би можело да ве интересира

ВИДЕО: Активисти во Берлин го фрлија германското знаме на земја, го заменија со палестинско

Катерина Ѓуровски

(ВИДЕО) Авион се урна на автопат во Германија – двајца загинати

А1он

Партијата на Мерц ќе ја поддржи поранешната министерка Илзе Ајгнер за претседател на Германија

А1он

Мицкоски: Компанијата „Гересхајмер“ планира нова инвестиција во Македонија

А1он

(ВИДЕО) Хаос на улиците во Германија: Демонстрантите фрлаа молотови коктели врз полицијата и ограбуваа продавници

Горан Наумовски

Нов сомнеж за саботажа во Германија: Изгореа три градежни возила на градилиште на Рајнметал

Предраг Петровиќ