Демонстрациите во Бугарија продолжуваат и вечерва, незадоволните граѓани се собираат во центарот на Софија

Од:

Незадоволните бугарски граѓани започнаа да се собираат во центарот на Софија за да го искажат својот револт кон премиерот на државата како и кон „неговиот корумпиран кабинет“, како што изјавија тие за националната бугарска телевизија Нова.

Ова е 41-та ноќ откако започнаа антивладините протести ширум земјата.

Додека демонстрантите се собираат во главниот град, во исто време, во Стара Загора беше организиран настан во кој учествуваа околу 50 автомобили кои поминаа низ центарот на градот и неколку минути по 19 часот пристигнаа на аеродромот, по што го блокираа патот Стара Загора – Хасково.

Бугарските медиуми пренесоа дека во подоцнежните часови, во Софија се очекува да биде блокирана крстосницата пред романската амбасада.

На истото место, минатата ноќ беше уништен автомобил на мајка со две деца која се обиде да ја пробие блокадата, а по инцидентот беа уапсени три лица.

Автомобилот остана блокиран долго време, пред да дојде полицијата, која успеа да го изнесе надвор од толпата.

Денес, демонстрантите ја обвинија жената за провокација затоа што насилно упаднала во блокадата и ги навредувала. Жената, пак, ги обвини демонстантите за агресија и за кршење на нејзините права.

Би можело да ве интересира

Русија за протерувањето на свештениците од Бугарија: Провокација по евроатлантските насоки за која ќе има одговор

Нов протест „Србија против насилството“, прв пат говореа пратеници од опозицијата

А1он

Дрон со експлозив пронајден на брегот на бугарско одморалиште

ВИДЕО: Најмалку седум жртви во полавите во Грција, Турција и во Бугарија

Катерина Ѓуровски

(ВИДЕО) Граѓаните предупредија: Нека очекуваат социјални немири од пошироки размери

Орце Костов

(ВИДЕО) Мајка се онесвести од плачење: „Загубив млад син, му ја згрешија терапијата во приватна клиника“

Орце Костов