Будва во попладневните часови беше зафатена од големо невреме.
Поради големите брановите, што беа повисоки од четири метри, на плажите интервенираа и спасувачи.
На будванските плажи се кренати црвени знамиња за опасност, но како што јави Радио телевизија Црна Гора, тоа не спречило неколкумината „храбри“ капачи да останат во морето и покрај предупредувањата на спасувачите.
Црногорскиот град Будва денеска околу пладне го зафати невреме кое го парализира животот во градот и неговата околина и поплави над десет куќи и подземни гаражи.
Сообраќајот е во застој поради водата на улиците, која на одредени места е длабока и до еден метар.
Според Службата за заштита и спасување, пожарникарските екипи се на десет локации во градот каде ја испумпуваат водата од поплавените подрумски простории.
