„Брдо-Бриони“: Лидерите апелираат до ЕУ да се прошири со Западен Балкан

Од:

По завршувањето на Самитот „Брдо-Бриони“, што се одржа денеска во Тирана, лидерите учесници излегоа со заедничка изјава во која се повикува Европската унија да го разгледа своето проширување со Западен Балкан како прашање од геополитичко значење.

dobivaj vesti na viber

Се нагласува, исто така, важноста од проширувањето со Западен Балкан за зајакнување на демократијата, владеењето на правото и заштитата и почитувањето на човековите права во регионот и решавањето на билатералните прашања.

-Ја повикуваме Европската унија да го разгледа своето проширување со Западен Балкан како прашање од геополитичко значење, имајќи предвид дека целосна интеграција на земјите од Западен Балкан во европскиот систем на вредности е исто така важен фактор за целокупната европска стабилност.

Ова не ја исклучува обврската на земјите кандидати да ги применат стандардите утврдени од Европската Унија за земјите кои бараат полноправно членство. Сметаме дека е взаемно важно за мирот, безбедноста и просперитетот на земјите од Западен Балкан и земјите членки на Европската унија, за да се гарантира дека стандардите се почитуваат и процесот на преговори станува пофлексибилен и побрз, стои во заедничката изјава.

Во документот се нагласува забележаниот напредок а посебно се поздравува Преспанскиот договор меѓу Република Северна Македонија и Република Грција.

-Ние го признавме и го прифативме забележаниот напредок досега, што придонесе кон консолидација на демократијата, мирот, безбедноста, стабилноста и зајакнувањето на регионалната соработка. Го поздравивме Преспански договор и заклучивме дека таков пример го отвора патот за зајакнување на европските и евроатлантските врски со регионот на Западен Балкан, се наведува во завршната изјава.

Се додава дека заеднички став е потребата од понатамошно зајакнување на процесите на дијалог и помирување во регионот, засновани на вистината и довербата, како и почитување на сите договори постигнати досега, имајќи го предвид одржувањето на мирот, безбедноста и благосостојбата на сегашните и идните генерации.

Се согласуваме, стои на крајот од текстот, дека Словенија ќе биде следниот гостопримлив домаќин на вонредниот состанок на лидерите на процесот „Брдо-Бриони“, што ќе се одржи на крајот од оваа година.

Би можело да ве интересира

Во септември можно е Бериша да биде исклучен од албанскиот Парламент

Ана Ололовска

Албанија му излезе во пресрет на Косово и ќе му дава струја за да се избегнат рестрикциите

Ана Ололовска

Косовскиот опозициски лидер на годишнината од смртта на Арбен Џафери: Вечна благодарност за сè што стори за Албанците

Ана Ололовска

Курти за ФТ: Србија е ноќен кошмар за соседите, продолжува со старите соништа

Ана Ололовска

Косово бара од Албанија потпишување трактат за заедничка одбрана

А1он

Сарафов: Човечка грешка е водечка верзија за несреќата со српскиот автобус на автопатот Тракија