Влатко Илиевски, еден од најпопуларните поп-рок пејачи на македонската музичка естрада, во интервјуто за порталот Пулс24, вели дека за концертот што ќе се одржи во Универзална сала во понеделник, 10-ти декември, подготвува многу изненадувања.
Во пресрет на промоцијата на неговиот нов албум „Нека биде по твое” и најавата за претпразничниот концерт, Влатко Илиевски кој своите почетоци на музичката сцена ги започна како главен вокалист во хард-рок групата Морал, најави дека на сцената на скопската Универзална сала ќе се појават и дел од авторската екипа на албумот, Дарко Тасев и Дојчин, а како предгрупа ќе настапи и младиот скопски рокенрол бенд Швалери.