Погледнете го досега необјавеното видео од изведбата на Тоше Проески на песната „Зајди, зајди“. Како што стои во описот на видеото објавено вчера на Јутјуб, снимката е направена во рамките на промоцијата на српската верзија од албумот „По тебе“, односно „Пратим те“, во винаријата „Колар“ во Кнежеви виногради во Хрватска.
Инаку, Тоше Проески загина на денешен ден пред шест години во трагична сообраќајна несреќа кај Нова Градишка.
И оваа година 16 маратонци во чест на Тоше на 13-ти октомври тргнаа од Нова Градишка, трчајќи по рутата која во спротивен правец беше последното патување на Тоше.Денеска напладне тие треба да стигнат во Крушево на неговото вечно почивалиште.
Фановите на Тоше пред десетина дена го организираа „Ѕвезденото небо“ со кое одбележаа и шест години од неговиот последен концерт. Животот на Тоше заврши во годината кога одбележуваше десет години успешна кариера во која објави седум албуми.