Бојан Галевски, Коста Бинов, Марио Кузев и Мили Кацаревиќ, момците од Acoustic Division, во студиото Револушн во акустична верзија ја снимија познатата нумера Somebody to love.
Групата на јавноста и е позната по одличните забави кои ги прават низ скопските локали.
Заедно работат веќе две години, и велат љубовта кон музиката е она што ги спои,што ги мотивира да работат.
„Од почетокот на годинава со нас настапува и басистот Мили Кацаревиќ, човек кој пред се е одличен музичар, но и прекрасен пријател и ментор. Во соработка со нашиот продуцент Павле Данилов мислам дека успеавме да создадеме квалитетно аудио и видео за песната Somebody to love Оваа преработка е само мал дел од она што следува во наредниот период. Публиката наскоро ќе има можност да слушне уште една наша преработка на позната балада, а некаде кон средината на јули ќе имаат можност да ја слушнат и нашата втора авторска песна за која ќе се снима и видео спот во наредните недели“, вели за А1он, Бојан Галевски.