Шест вечери музика на „The Park Festival” во Гостивар

Од:

Во Гостивар, кон крајот на јули и почетокот на август ќе се организира музички фестивал „The Park Festival“. На шестте фестивалски вечери, во градскиот парк на четири сцени ќе настапат емининтни состави и артисти.

Според организаторите „Inbox Entertainment“, листата на учесниците е утврдена и се работи на техничките детаљи, за како што велат, овој фестивал биде што поуспешен и да стане традиционален.

– Станува збор за мега-проект што тежи околу 70 илјади евра, од кои 50 илјади евра финансира Министерството за култура во рамките на годишната програма. Со десет илјади евра го поддржува Општина Гостивар и десет сопствени средства. Според програмата и учесниците, фестивалот има мултиетнички карактер, а ќе настапат познати имиња од земјава и од странство, вели Јетон Весели, директор на Фестивалот и додава дека влезот за сите шест вечери ќе биде бесплатен.

Првото издание на „The Park Festival” ќе се одржи на четири локации во големиот градски парк и шеталиштето на реката Вардар. За последната вечер ќе биде поставена атрактивна сцена над коритото на Вардар.

Изборот на учесниците е дефиниран, но детаљите за фестивалот и нивните имињата ќе ги објавуваат постепено преку социјалните мрежи.

– Изборот на артистите и музиката која ја изведуваат е наменет за сите возрасни групи и музички вкусови. Ќе има хип-хоп, електронска музика, рок, џез, а предвиден е и настап на европски познато име, вели уметничкиот директор на фестивалот, Ертон Весели.

„The Park Festival” ќе се одржи на 26, 27, 28 јули и 2, 3, 4 август, период во кој иселениците доаѓаат во родниот крај. Заради настапите на атрактивни имиња се очекува голема посетеност, како од љубители на музиката од Македонија така и од соседните земји.

Би можело да ве интересира

Концертот на „Електрични оргазам“ во Скопје презакажан за 24 јуни

Ана Ололовска

Концерт „од дома“ со Лејди Гага, Пол Макартни, Били Ајлиш…

Ана Ололовска

Фестивалот „Skopje Calling“ презакажан за 12 септември

Ана Ололовска

Aвторoт на познатиот хит „I Love Rock’n’Roll“ почина од коронавирус

Ана Ололовска

ВИДЕО: Дилан објави песна за Кенеди, која трае 17 минути

Ана Ололовска

Како би изгледале насловните фотографии на познатите музички албуми за време на КОВИД-19

А1он