Британскиот кантавтор и гитарист Пол Роуз покрена тужба против познатата ирска рок група „Ју-Ту“, тврдејќи дека украле песна што наводно тој ја компонирал.
Станува збор за песната „The Fly” од албумот „Achtung Baby”, кој „Ју-Ту“ го издадоа во 1991 година.
Роуз бара најмалку пет милиони долари отштета. Тужбата е поднесна против сите членови на ирскиот бенд – фронтменот Боно, гитаристот Еџ, басистот Адам Клејтон и тапанарот Лери Мален Џуниор, како и против издавачката куќа „Ајленд рекордс“.
Роуз тврди дека Ирците во 1989 година биле „инспирирани“ од неговата демо снимка „Nae Slappin“, што тој претходно ја испратил до издавачите.