Песната I Will Always Love You нa Витни Хјустон е изгласана за најпопуларна љубовна песна во САД.
Песната во 1974 година ја напишала ѕвездата на американската кантри музика Доли Партон а ја обработи Витни Хјустон во 1992 година за филмот „Телохранител”, доби 38 отсто од сите гласови во анкетата на компанијата за истражување на пазарот „Harris Interactive”.
На оваа листа следуваат The Righteous Brothers со песната „Unchained Melody”, Перси Слејџ со „When a Man Loves a Woman”, Џо Кокер со „You Are So Beautiful”, а првата петорка ја затвора „How Deep is Your Love” на групата Bee Gees.
Во анкетата учествувале две илјади возрасни лица кои можеле да гласаат за една од 40 предложени класични љубовни песни од сите периоди.