Претседателот на Алијансата за Албанците, Арбен Таравари утрешниот повик за средба со членовите од Централното претседателство го гледа како заседание, а не средба пред веќе закажаната седница која ќе се одржи во сабота. Тој на прашањето на А1он дали и кога за утре закажал Централното претседателство на партијата, кратко изјави: „Во 19 часот во Куманово“.
Претходно, партиски извори за А1он истакнаа дека ако има обид средбата да се претстави како заседание, ќе биде нелегитимно одржана седница на Централното претседателство, за што подоцна од партијата испратија и покана и СМС пораки како докази.
„Централното собрание според статутот е во сабота во 13 часот. Поканата која ја добивме е доказ дека не е Собрание“, рекоа изворите на А1он.
Таравари по кусиот одговор за закажаниот настан за утре, не кажува дали и покрај овој став на дел од партијата, се уште ја гледа утрешната средба како седница на Централното собрание.
