Обвинителството за гонење на организиран криминал и корупција уште нема го нема повикано директорот на Јавното претпријатие за државни патишта, Ејуп Рустеми на распит, иако претходно од таму најавија дека сите инволвирани во изборот на надзорот на работата на автопатите на „Бехтел и Енка“ ќе бидат повикани да дадат исказ. Рустеми, кој е потписник на договорот „ИРД Инженеринг“ да биде надзор, во интервју за А1он вели дека ќе соработуваат со обвинителството и дека кога ќе го повикаат, тој ќе отиде на распит.
„Ако не повикаат на распит, ние сме подготвени да одиме на распит, бидејќи целата процедура за надзорот е спроведена согласно Законот за јавни набавки. Јас сум подготвен во секој момент ако имам покана да се јавам и се што имаме досега, целокупната документација е кај нив, се што имаме како барање ние ќе одговориме позитивно“, вели Рустеми.
Целото интервју со директорот на Јавното претпријатие за државни патишта гледајте го утре во 10:30 часот на А1он.