Младиот пејач Ален Хасановиќ освои 4 награди на годинешниот „Канео Фест“ во Охрид.
Toj со песната која го носи насловот „Кога сфатив“ го освои првото место на фестивалот „Канео Фест“ кој се одржа викендов и се закити со четири награди.
Тој ги освои првите места од жирито и публиката, но и за најдобар интерпретатор и аранжман. Комплетен автор на музиката, текстот и аранжманот на песната „Кога сфатив“ е самиот пејач. Во улога на водителска двојка на годинешниот фестивал се појави атрактивната водителка Лила Филиповска во придружба на Дамјан Дренковски.
Организатор на овој традиционален музички фестивал е „ТВ Морис“ од Охрид.