Љубовните писма, кои ги пишувал Мик Џегер, на американската пејачка Марши Хант, на 12-ти декември ќе бидат понудени на аукција, а се проценуваат на 100 илјади фунти.
Во писмата кон својата поранешна љубовница, која е мајка на неговото прво дете, легендарниот пејач, тогаш 26-годишен, ја открива својата нежна страна.
Десетте писма од август 1969-та година, аукциската куќа Sotheby’s ги проценува на 70 до 100 илјади фунти. Напишани се во Австралија за време на снимањето „Нед Кели“.
Марш Хант, наводно е инспирација за песната „Brown Sugar“, била во тајна врска со Џегер се до 1972. година. Денеска живее во Франција и како причина за продажба на писмата, ја наведува тешката финансиска состојба во која се наоѓа.