Фирмата за проценка на ризици „Томсон Ројтерс“ објави десет предвидувања за 2025 година, кои се базираат на анализи на научни предвидувања. Извештајот предвидува како ќе се развиваат науката и технологијата во наредната деценија. „Од најмалите лични работи до најголемите континенти, се ќе стане дигитално поврзано“- наведуваат аналитичарите во извештајот.
Опаѓање на деменцијата
Повеќе научно-истражувачки средства, односно пари ќе бидат вложени во проучување на деменцијата и со самото тоа ќе се намали бројот на заболени.
Сонцето-извор на енергија
Научниците предвидуваат дека процесот на собирање, преработка и чување на сончевата енергија ќе биде унапредено и поефикасно и дека поголем дел од светската популација ќе ги користат соларните извори како примарни.
Намалување на бројот на дијабетичари
Човековиот ген ќе биде модифициран и ќе го спречува настанувањето на болестите, како што е примарниот дијабетес, а со самото тоа ќе се намали и бројот на пациенти на кои им е потребен инсулин.
Храна ќе има за сите
Благодарение на напредокот и модерните технологии во земјоделието, недостатокот од храна и промената на цените на основните животни намирници ќе стане минато.
Воздушен сообраќај
Леталата и новите технологии ќе овозможат превоз на возила на копно и во воздух. Ќе постојат микро-комерцијални авиони, а добивањето дозволи за пилоти ќе биде нормално за секој поединец.
Дигитална ера
Од автомобили до куќи, кои реагираат на секаква желба, до апарати кои „мислат со своја глава“, се што не опкружува ќе биде дигитално.
Производите од пластика ќе бидат минато
Ќе бидат забранети пластичните кеси, шишиња и генерално сите производи од пластика и нафтени преработки. Биоразградливите амбалажи на база на целулоза ќе бидат вообичаена норма.
Поблаги нуспојави во тек на лекување
Развојот на лекови ќе биде попрецизен, ќе ги врзува специфичните протеини и ќе бидат користени антитела со цел да се намали ефектот на токсичните хемикалии кај пациентите кои се лекуваат од канцер.
Мапирање на ДНК според раѓање
Еволуцијата на нанотехнологијата, заедно со распростанетите технологии „Големи податоци“, кои содржат податоци за различни луѓе ќе го направат мапирањето на ДНК за стандардна процедура. Превентивните лекарски прегледи ќе бидат задолжителни еднаш годишно.
Квантно телепортирање
Иако до 2015 година луѓето нема да можат да се телепортирааат низ просторот, квантната телепортација ќе стане вистинита и вообичаена, што ќе овозможи истражување на „егзотичните“ облици на материи.
Е. Г.