Адвокатот кој го однесе Љупчо Палевски – Палчо во Србија, првоосомничен за убиството на 14 годишната Вања Ѓорчевска и 74 годишниот Панче Жежовски од Велес е приведен. Од обвинителството за А1он велат дека дали ќе се бара притвор за него, ќе се одлучува утре.
Откако се објави дека Палевски е првоосомничениот за убиството на Вања и Жежовски, адвокатот Стојков за дел од медиумите кажа дека не ја знаел таа информација и оти Палчо му кажал дека треба да оди на лекар во Белград, а нема автомобил.
Од Белград пак, Палевски замина во Труција каде вчера беше уапсен. Таму заминал преку Бугарија, а до таа дестинација го однел Стефан Димовски, за кого обвинителството веќе побара притвор.