Бугарското МВР нема податоци дека Љупчо Палевски – Палчо, првоосомничениот за убиството на 14 годишната Вања Ѓорчевска од Скопје и 74 годишниот бербер од Велес, Панче Жежовски се наоѓа на територијата на Бугарија.
Од таму преку соопштение велат дека во моментов за него нема ниту меѓународна потерница.
„Немаме податоци дека за него има меѓународна потерница“, соопшти бугарското МВР.
Информацијата дека Палевски се наоѓа во Бугарија утрово на прес конференција ја кажа министерот за внатрешни работи, Оливер Спасовски, кој знаедно со шефот на скопското обвинителство, Гаврил Бубевски повеќе од еден час ги образложуваа сите досегашни информации за двојното убиство.