Суд во Мексико осуди тројца мажи на казна затвор од по 158 години и девет месеци за убиството на двајца австралиски браќа и нивниот американски пријател, извршено за време на патување за сурфање во мексиканската држава Долна Калифорнија (Baja California) во 2024 година, соопшти денеска претставник на правосудните органи.
Обвинетите – идентификувани како Хесус Херардо (Jesús Gerardo), познат како „Ел Кекас“ (El Kekas), Иринео Франсиско (Irineo Francisco) и Анхел Хесус (Ángel Jesús) – беа прогласени за виновни за убиство, тешка кражба, грабеж со употреба на насилство и кражба на возило со употреба на насилство, пренесува Ројтерс.
Жртвите се австралиските браќа Џејк Робинсон (33) и Калум Робинсон (30), како и нивниот американски пријател Џек Картер Роуд (30).