Жител (43) на скопското село Кондово е уапсен на граничниот премин „Долно Блаце“, при влез во Македонија.
За него се распишани две централни и меѓународни потерници, по наредби на Основниот кривичен суд Скопје.
Уапсениот Ф.Т. (43), беше баран за издржување две затворски казни од по осум години.
Според Министерството за внатрешни работи, едната потерница се однесува на казна затвор од осум години за кривично дело „тешки дела против општата сигурност“, предвидено во член 288, став 3 од Кривичниот законик.
Втората потерница е распишана за издржување осумгодишна затворска казна за кривично дело „тероризам“, според член 313 од Кривичниот законик.