Припадници на Полициската станица „Нови Београд“, во соработка со Третото основно јавно обвинителство во Белград, го уапсија П.Ј.(36) поради постоење основи за сомневање дека изврши разбојништво и 12 тешки кражби на особено опасен и дрзок начин, при што се стекна со противправна имотна корист од над 1,2 милиони динари (околу 10.200 евра), соопшти денеска српското Министерство за внатрешни работи.
Според соопштението, во периодот од јуни до октомври 2026 година, на територијата на Нов Белград, осомничениот им приоѓал на жртвите од зад грб и им ги кинел ланчињата од вратот, кои, наводно, потоа ги продавал.
Полициските службеници кај осомничениот пронашле и одзеле предмети за кои постои сомневање дека потекнуваат од наведените кривични дела.
По налог на јавниот обвинител од Третото основно јавно обвинителство во Белград, на уапсеното лице му е одредена мерка задржување во траење до 48 часа, по што тој ќе биде изведен пред надлежното обвинителство заедно со кривична пријава.
