Euronews го одреди EXIT како еден од десетте најдобри европски фестивали за 2013 година.
Овој влијателен медиумски сервис на овој начин се придружи на списокот со водечки светски медиуми на кој веќе се наоѓаат BBC, CNN, The Guardian, MTV и други, а кои го прогласија EXIT за еден од најдобрите европски фестивали.
Текстот во кој EXIT се најде на шестото место на листата на најдобрите, како негови адути ги истакнува разновидната музичка програма и Петроварадинската тврдина, како единствена фестивалска локација.
Во статијата на интернет порталот www.euronews.com, EXIT го најде своето место на листата пред гигантите како белгискиот Tomorrowland фестивал и унгарскиот Sziget, кои го зазедоа седмото, односно деветтото место.
Во однос на другите европски фестивали, на EXIT му се придава предност поради исклучително достапните цени, како и незаборавното фестивалско доживување во мултикултурното опкружување.