Британскиот рок-бенд „Д Ху“ го најави издавањето на новиот албум за оваа година. Во истовреме тие ја потврдија и турнејата низ Северна Америка.
Проектот којшто засега нема наслов, е наследник на нивниот 11. студиски албум „Endless Wire”, објавен во 2006 година. Гитаристот Пит Тауншенд само најави дека обожавателите ќе може да очекуваат „мрачни балади, тешки рок-материјали, експериментална електроника, впечатливи музички делови и типични ’Д Ху’ песни кои почнуваат со гитара која дава ’јанга-денг’ звук”.
Групата исто така открила подробности и за американската оркестрална турнеја. Пејачот Роџер Далтри изјави дека оркестарот нема да го компромитира начинот на кој тој и Пит ја испорачуваат музиката. Натаму тој најави дека ова може да биде негова посљедна турнеја.
– Морам да бидам свесен колку години имам (74), а гласот почнува и да ме напушта. Сакам да бидам добар како што бев пред две години, изјави Далтри во едно скорешно интервју.