Десетици илјади лица излегоа денеска на улиците на главниот град на Чад, Нџамена, во знак на поддршка на одлуката на Владата да испрати војници во борбата против нигериското исламистичко движење Боко харам.
Премиерот Калзебе Пахими Дебе ги предводеше демонстрантите низ Нџамена, до плоштадот Плас де насион.
Учесниците во собирот носеа знамиња на Чад и на француски и арапски извикуваа „Исфрлете ги сили на злото од нашата територија“.
Учесниците носеа и голем напис, на кој беше испишано „Ја поддржуваме својата војска. Народот на Чад ги поддржува своите браќа од Камерун и Нигерија во борбата против тероризмот“.
– Денешните протести се силно предупредување за Боко харам. Над се ова е марш за мир, за да ги заштитиме своите витални интереси, својата економија и безбедноста на Чад, изјави Дебе.
Десетици тенкови на војската на Чад се упатија од Нџамена кон југ, на границата со Мерун, откако Парламентот ја одобри операцијата.