Во ракетен напад врз меѓународниот аеродром „Крал Калид“ во Ријад загинаа 12 лица, а повеќе од 300 беа повредени, соопштија саудиските власти. Одговорноста за нападот ја презедоа јеменските Хути, кои добиваат поддршка од Иран.
Меѓу загинатите има четворица државјани на Саудиска Арабија, како и државјани на Бангладеш, Палестина, САД, Египет, Јордан, Сирија и Судан. Дел од повредените се во критична состојба.
@RyanRozbiani 🛑 #Houthis attack King Khalid Airport in #Riyadh, the capital of #SaudiArabia, with missiles carrying "stones of Sijjeel," reducing it to "devoured straw. https://t.co/GZdKHSOcou
— Roya (@eshge_royayeee) October 10, 2026
Ракетата погодила дел од аеродромскиот комплекс во кој се наоѓаат терминалите 3 и 4, наменети за домашни летови. Ова беше трет напад врз аеродромот во Ријад во неколку дена.
По нападот, сите операции на аеродромот беа привремено прекинати, а летовите кон Ријад беа пренасочени кон други аеродроми.
Очевидец изјави за Ројтерс дека по експлозијата видел повеќе повредени лица како лежат во терминалот. Друг патник раскажа дека непосредно пред ударот забележал нешто на небото, по што дел од таванот се урнал во близина на излезот за качување во авион.
Саудиските воздухопловни власти и по претходните напади пријавија загинати, повредени и материјална штета. Во нападите на 8 октомври загинаа тројца саудиски државјани, а еден ден претходно во одделен напад врз аеродромот во Ријад загина државјанин на Судан.
MASS CASUALTIES IN RIYADH
The damage from the attack on Riyadh’s King Khalid International Airport is extensive.
Saudi authorities now report 12 people killed and 309 injured after the airport was struck.
The Saudi-led coalition blames the Iran-backed Houthis for the attack.
Airport operations were suspended as authorities assessed the damage.
— Mossad Commentary (@MOSSADil) October 11, 2026
По најновиот напад, Хутите ги повикаа авиокомпаниите да го избегнуваат саудискиот воздушен простор, кој го прогласија за зона на воени операции.
Американскиот претседател Доналд Трамп изјави дека САД ја разгледуваат можноста да им се приклучат на саудиските напади врз Хутите.
„Можеби ќе го направиме тоа. Ќе разгледаме. Дури сега дознавме за овој најнов напад, па ќе донесеме одлука. Дејствуваме многу брзо“, изјави Трамп.
Подоцна најави разговор со саудискиот престолонаследник Мохамед бин Салман и порача дека слученото „не е прифатливо“.
Американската амбасада во Ријад ги предупреди американските државјани да ги избегнуваат аеродромот и околните области.
Саудиска Арабија воено се вклучи во војната во Јемен во 2015 година, откако Хутите претходната година го зазедоа главниот град Сана и ја потиснаа меѓународно признатата влада.
Интензивните борби значително се намалија по примирјето во 2022 година, но конфликтот повторно се разгоре оваа година. Јеменската влада, сојузник на Саудиска Арабија, неодамна започна нова офанзива против Хутите долж брегот на Црвеното Море и во областа околу стратешкиот теснец Баб ел Мандеб.
Хутите одговорија со ракетни и беспилотни напади длабоко на територијата на Саудиска Арабија. Во рок од неколку дена беа нападнати аеродромите во Ријад и Абха, при што имаше загинати и десетици повредени.
Според објавените информации, најновиот напад врз Ријад е најсмртоносниот напад во некоја од арапските држави во Персискиот Залив од почетокот на актуелната војна со Иран.