Лидерите на Групата 20 најразвиени земји во светот (Г20) ќе се состанат утре во австралискиот град Бризбејн, на дводневен самит, на кој ќе доминираат економските теми, но не е исклучена можноста да биде разгледано и прашање за кризата во Украина.
Лидерите меѓу останатото ќе се фокусираат на мерките на економскиот раст во нивните држави.
Домаќинот на самитот, австралискиот премиер Тони Абот изјави дека светските лидери ќе разговараат за создавање нови работни места, за мерките со кои би се спречило затајувањето на данок, како и за поттикнување на глобалниот раст.
Но, во Бризбејн се е подготвено за самитот:
– Конференцискиот центар е со плоштина на 24 фудбалски игралишта
– Поставени се 8.392 столчиња
– Вкупно 6.300 делегати и новинари се регистрирани
– Подготвени се 10.000 кроасани
– Спроведени се 100.000 метри кабли
– Најмалку 6.000 полицајци ќе се грижат за безбедноста
– Че бидат сервирани 25.000 кг. овошје и зеленчук.