Околу 1.250 мигранти се спасени во Средоземно Море за време на божикните празници, соопштија италијанските власти.
Мигрантите се спасени во четири операции во изминатите четири дена во водите меѓу Северна Африка и Сицилија.
Во операциите се пронајдени и пет тела. Четири тела се пронајдени од кипарски брод и едно од малтешки брод.
Околу 3.200 мигранти загинале годинава во обид да стигнат во Европа од Африка, покажуваат податоците на Меѓународната организација за миграција.