Бројот на жртвите од епидемијата на Ебола во западна Африка од февруари до сега скокнал на 603 лица, а само минатата недела починале 68 лица, соопшти денеска Светската здравствена организација.
Според светските агенции, најмногу жртви, 52, има во Сиера Леоне, иако за некои од нив има само сомненија дека биле болни од овој вирус. Либерија информира за 13 жртви, а Гвинеја за три, покажуваат податоците на СЗО за периодот од 8 до 12 јули.
Претходната недела СЗО информираше за 25 жртви.
СЗО соопштува за вкупно 85 нови случаи на ебола. Тоа значи дека нивото на заразување останува многу високо, особено во Либерија и Сиера Леоне, и покрај напорите на овие земји и меѓународните напори да се запре ширењето на болеста.