Фондацијата Гејтс ќе додели 1,4 милијарди долари за помош на земјоделците во Африка и Азија

Од:

Фондацијата Бил и Мелинда Гејтс ќе додели 1,4 милијарди долари на земјоделците во Африка и Азија за да им помогне да се прилагодат на климатските промени, објави денеска фондацијата.

Таа сума ќе се доделува во период од четири години за иновации што овозможуваат подобра толеранција на суша, топлина и екстремни поплави кои дополнително се зголемени со климатските промени.

„Потребно е дополнително финансирање за да се осигури дека земјоделските и технолошките иновации се широко достапни за ранливите заедници“, рече Бил Гејтс, милијардерот ко-основач на Мајкрософт.

Соопштението беше објавено по повод климатската конференција на ОН (КОП27) во Шарм ел Шеик, Египет, каде од денеска се собираат политичките лидери од целиот свет, под притисок да ги зајакнат своите заложби за борба против климатските промени поради зголеменото затоплување и да се обезбеди поддршка на сиромашните земји кои се најпогодени од него.

Организациите што претставуваат 350 милиони мали земјоделци побараа денеска приоритет за КOP27 да биде изградба на „систем за храна што може да го нахрани светот на планетата што се загрева“.

Извор: МИА

Би можело да ве интересира

(ВИДЕО) Тензиите се разгоруваат и на исток: Масовна тепачка меѓу кинески и индиски војници, Азија стравува од ескалација

А1он

САД ќе и дадат 55 милијарди долари на Африка во следните три години

Ана Ололовска

ЕУ и четири земји-членки ќе ја помогнат адаптацијата на Африка на климатските промени

Ана Ололовска

Оксфам: Во Африка на секои 48 секунди по еден човек умира од глад

Ана Ололовска

Град што не постои ќе биде домаќин на Зимските Азиски игри во 2029 година

УНИЦЕФ: Поради сушата, на милиони деца во Африка им се заканува смрт