Научници на НАСА, веќе половина век следат еден астероид „1950 ДА“ и според неговото патување тие сметааат дека на 16-ти март 2880. година, тој ќе се судри со нашата планета.
Се проценува дека неговиот пречник е околу 1.000 метри и дека кон Земјата патува со брзина од 15 километри на час.
Според пресметките на НАСА, астероидот најверојатно ќе падне во Атлантскиот океан, со брзина од 62.000 километри на час, а ударот ќе биде со сила од 44.800 мегатони ТНТ.
И покрај тоа што можноста од ударот е само 0,3 проценти, сепак претставува ризик кој што е за 50 пати поголем од ударот на сите останати астероиди.
Астероидот „1950 ДА“ е откриен на 23-ти февруари 1950 година, и тогаш бил видлив само 17 дена, по што исченал, се до 31-ви декември 2000. година кога научниците повторно го забележале.
Тие сметаат дека нема место за паника, поради тоа што на време е откриен и дека до тогаш ќе ги совладаат сите методи за пренасочување на астероидот.
Во моментов има околу 1.400 астероиди кои би можеле да и се приближат на Земјата. Некои од нив достигнуваат големина и од 140 метри, а ќе поминат на одалеченост од 7,5 милиони километри од нас.
НАСА ги следи сите и го предвидува нивниот пат, така што според неа нема место за страв дека некој од нив ќе залута и ќе удри на површината на Земјата.
Елена Георгиевска