Лидерот на исламистичката терористичка групација Боко харам, Абубакар Шекау која дејствува во северните делови на Нигерија и во соседните земји, ги повика денеска своите борци да „убиваат, колат и киднапираат“ и да „фрлаат бомби насекаде“.
Заканата е упатена преку видео-снимка, објавена на социјалната мрежа Јутјуб на Интернет. Во неа Шекау ги демантира тврдењата на нигериската Влада дека групацијата е разбиена.
Претседателот Махамаду Бухари објави минатата недела дека армијата ја протерала Боко харам од нејзиното последно упориште во шумите и оти борците на групацијата се распрскани и се кријат.
Шекау на снимката изјавува дека е „жив и здрав“.