Европска комисија денеска ги објави клучните барања за уредување на финансиските прашања и права на граѓаните по излегувањето на Велика Британија од Европска унија.
ЕК наведува дека финансиските обврски што произлегуваат од членството на Велика Британија во ЕУ се однесуваат на 74 органи на Унијата и сите сметки треба да бидат подмирени.
ЕК не ја прецизира конечната сметка за Брегзит, но пресметките се однесуваат за периодот по излегувањето на Велика Британија.
Помеѓу обврските се и финансирање на Европската инвестициска банка, потоа делот на Велика Британија за финансирање на договорот за бегалците меѓу ЕУ и Турција и финансирањето на учителите во европските училишта.
Што се однесува до правата на граѓаните, ЕУ бара британските граѓани во Унијата и граѓаните на ЕУ во Велика Британија да имаат право да добијат постојан престој, согласно законот од непрекинат период од пет години.
ЕК, исто така бара Судот на ЕУ да има целосна јурисдикција за правата на граѓаните.