Британски специјалци под истрага за воени злосторства во Сирија

Од:

Пет припадници на специјалната единица на британската армија (САС) се под истрага за можни воени злосторства извршени во Сирија пред неколку години, јавува Би-би-си.

Засега нема уапсени, но увид врши Единицата за тешки криминали при Министерството за одбрана. Голем број специјални сили на Обединетото Кралство беа распоредени во Сирија во текот на изминатата деценија во операциите против Исламската држава.

Министерството за одбрана соопшти дека сериозно ги сфаќа наводите за можни престапи. „Сите наводи за кривични дела ќе бидат упатени во полиција за понатамошна истрага“, рече портпаролот на Министерството.

Истрагата, наводно, е фокусирана на инцидент што се случил пред две години кога еден од џихадистите бил убиен.

Британските војници, според нивните претпоставени, употребиле прекумерна сила при апсењето на мажот, но процениле дека џихадистот имал намера да изврши самоубиствен напад и го убиле.

Сепак, министерството тврди дека ова не е изолиран случај и дека има уште „застрашувачки“ сведоштва за воени злосторства. Единиците на САС со години дејствуваат во Сирија, а до пред неколку години во Авганистан.

Исто така, во тек е истрага за тоа дали специјалните сили на Обединетото Кралство убиле цивили и невооружени луѓе во ноќните напади во Авганистан помеѓу 2010 и 2013 година.

Би можело да ве интересира

Англиски спортски водител е уапсен под сомнение дека силувал дете

Британски министер за одбрана: Лондон му дозволи на Киев да го нападне Крим со нашето оружје

Сирија собори израелски проектили истрелани кон предградијата на Дамаск

Горан Наумовски

Русија се закани дека ќе ја нападне Велика Британија

Горан Наумовски

Борис Џонсон дојде на гласање без лична карта иако воведе закон според кој таа е обврска

А1он

Најмалку пет ракети истрелани од Ирак кон американската воена база во Сирија