Руските сили продолжуваат со ракетни напади врз станбени населби низ целата земја, намерно насочени кон складишта за гориво во обид да ја „отежнат логистиката“ и „да создадат услови за хуманитарна криза“, предупреди Генералштабот на вооружените сили на Украина.
Во изминатите денови беа погодени магацини за гориво во неколку градови, како што е главниот град Киев, но и Лавов, Ривне, Житомир и Луцк, јави Би Би Си.
Според украинската војска, руски војници го тероризираат локалното население во главниот град Киев, Запорожје, Керсон и Харков, ограбувајќи, киднапирајќи и држејќи цивили како заложници.
Податоците за гранатирањето и акциите на руските војници не се потврдени од независни извори, објави Би Би Си.
Извор: МИА