Гари Каспаров, познат шаховски велемајстор, продемократски активист и еден од лидерите на руската опозиција, денеска на Твитер објави напис за можната руска употреба на нуклеарно оружје.
Вчера портпаролот на Путин, Дмитриј Песков, не сакаше да ја исклучи можноста од руска употреба на нуклеарно оружје, но рече дека Русија ќе се одлучи за таков потег само доколку тоа е „егзистенцијално загрозено“.
The only risk of Putin using a nuclear weapon in Ukraine is if he & his minions are sure there will be no response. Every Russian sub commander should know they will be eliminated instantly should they fire one.
— Garry Kasparov (@Kasparov63) March 23, 2022
Каспаров утрово на Твитер ја коментираше идејата за руска употреба на нуклеарно оружје.
„Единствениот ризик од употребата на нуклеарно оружје од страна на Путин во Украина е ако тој и неговите поданици се сигурни дека нема да има одговор. Секој командант на руска подморница треба да знае дека веднаш ќе биде елиминиран доколку се пука со такво оружје“, напиша Каспаров.
„Или можеби тоа би било преголема „ескалација“, уништување на подморница што истрелала нуклеарен проектил кон Украина“, иронично се прашува Каспаров, кој го критикуваше Западот од почетокот на војната во Украина поради стравот дека ќе биде поактивно вклучен во борбата против агресијата на Путин.