Дезинформациите околу Ковид-19 убиле 800 луѓе во светот за три месеци

Од:

Најмалку 800 луѓе починале низ целиот свет поради дезинформации поврзани со коронавирусот во првите три месеци од оваа година, тврдат научници.

Според студија објавена во Американскиот журнал за тропска медицина и хигиена, околу 5.800 луѓе биле примени во болница како резултат на лажни информации на социјални медиуми.

Би-Би-Си пренесува дека многумина починале затоа што пиеле метанол или алкохолни средства за чистење, погрешно верувајќи дека овие производи се лек за вирусот.

Светската здравствена организација (СЗО) претходно објави дека „инфодемијата“ околу Ковид-19 се шири брзо како и самиот вирус, а теориите на заговор, гласини и културната стигма придонесуваат за смрт и повреди.

Многу од жртвите следеле совети кои потсетуваат на веродостојни информации – како што се јадење голема количина лук или голтање големи количини на витамини – како начин да се спречи инфекцијата, велат авторите на студијата.

Други пиеле супстанции како што е кравја урина. Сите тие дејства имале „потенцијално сериозни последици“ за нивното здравје, велат научниците.

Би можело да ве интересира

Научниците алармираат поради новата варијанта на Ковид-19

Горан Наумовски

(ВИДЕО) Казни ако ширите лаги дури и да не сте знаеле – како да се заштитите?

Анита Петровска Рајковиќ

ВИДЕО: Споделувате ли се и сешто на интернет, помагате во ширење лаги – како да се заштитите

(ВИДЕО) Видео од позната игрa место од Украина, ТВ објавија, експерти коментираа – лаги на кои наседнаа сите

(ВИДЕО) Казни ако споделувате лаги на социјални мрежи – затвор, пари, што вели македонскиот закон

Анита Петровска Рајковиќ

ВИДЕО: Киднапер на деца во Скопје, мртви средношколци во парк – наседнавте ли на лажни вести?

Анита Петровска Рајковиќ