Европската фудбалска федерација му изрече казна на Фудбалскиот сојуз на Романија поради однесувањето на навивачите на таа селекција на натпреварот со Косово.
Следниот натпревар против Андора репрезентацијата на Романија ќе го игра пред празни трибини, тоа е одлука на УЕФА.
Веста за казната ја пренесе добро информираниот романски новинар Емануел Росу, а се уште се чека само официјалното соопштение на Европската фудбалска федерација во врска со овој случај.
BREAKING: Romania's stadium suspended for the Euro 2024 qualifier vs Andorra following "Kosovo is Serbia" banner and chanting at the Kosovo match.
Charges against Romania included "racist behaviour from its fans" pic.twitter.com/kHzLQlkqIC
— Emanuel Roşu (@Emishor) September 20, 2023
Дел од романските навивачи на мечот со Косово развија транспарент на кој пишуваше „Косово е Србија“, а покрај таа парола ја истакнаа и пораката „Бесарабија е Романија“.
Поради ова натпреварот беше прекинат 50 минути.
Романија победи со 2:0 и продолжи да го трасира патот за Европското првенство следната година.