Србија со убедлив старт на „Дејвис купот“

Од:

Србија даде најава за силно претставување во дебитантското издание на новиот формат на „Дејвис купот“, откако ја победи Јапонија со 3:0 во нивниот прв натпревар од турнирот во Мадрид.

Србите предводени од Новак Ѓоковиќ немаа проблем да забележат чист успех и сериозно да ги зголемат своите шанси да дојдат до четвртфиналето на турнирот.

Во првиот натпревар во сингл вториот ракета на шампионите од 2010 година, Филип Крајновиќ го победи Јуичи Сугита со 6-2, 6-4, по што Новак Ѓоковиќ немаше проблем да го запечати својот успех по 6-1, 6-2 против Јошихито Нишиока.

Во дуелот во двојки, Јанко Типсаревиќ и Виктор Троицки не дозволија изненадување и ги совладаа Бен Меклахлан и Јасутака Учијама со 7-6, 7-6 за да му обезбедат на својот тим чиста победа.

За Јапонците ова беше втор пораз по вчерашниот против Франција со 1-2 и тие веќе немаат шанса да одат напред, додека утре Србија и Франција ќе утврдат кој ќе заврши на прво место во групата. Во четвртфиналето ќе се најдат шесте победници во групата и двете најсилни втори екипи.

Би можело да ве интересира

Феро победничка на ВТА турнирот во Палермо

А1он

Халеп: Конечната одлука за учество на УС Опен ќе ја донесам по турнирот во Прага

А1он

Серена: Земав 50 маски, ќе играм на сите турнири

А1он

Нема да се игра тенис во Мадрид

Ана Ололовска

Професионалниот тенис враќа во Палермо

А1он

Мареј сака преку квалификации да избори учество на Мастерсот во Њујорк, одбива вајлд-карта

Ана Ололовска