Кошаркарите на Работнички очекувано стигнаа до десеттата победа во Првата македонска лига.
Работнички забележа убедлив триумф со 99-31 во дуелот од 10. коло против подмладениот тим на Карпош Соколи.
Најефикасен беше Виктор Ефремовски со 23 поени, Кирил Николовски постигна 14, а Славчо Темелковски запиша 11 поени. Андреј Атанасов и Иван Сапунџиев со 22, односно 19 поени беа најпрецизни кај „соколите“.
Андреј Магдевски беше предводник на Фени Индустри во победата над Шкупи со 83-79. Магдевски средбата ја заврши со 30 поени, додека Јане Петровски постигна 16, а Горјан Марковски 12 поени за кавадаречкиот тим.
Вечерва ќе се одигра уште еден меч во кој Куманово е домаќин на второпласираниот тим на табелата Блокотехна.
За утре, од 17 часот, закажани се средбите, Струмица – Гостивар и Кожув – Пелистер, додека натпреварот меѓу МЗТ Скопје Аеродром и АВ Охрид ќе се игра на 25 декември поради денешното гостување на шампионот во Белград кај Партизан во дуел од АБА лигата.